SM Hotel愉虐指導班

要數近期最具人氣嘅外國四仔，歐美3D作勢不可當，而緊隨其後嘅，必定係呢個BDSM Hotel系列喇！聽到「SM」兩字係咪有啲抗拒呢？查實呢間「酒店」可以話係性虐入門，讓大家了解愉虐性愛未必一定咁Hardcore，其實同哈囉喂扮鬼扮馬一樣咁濕碎啫！

名為「BDSM Hotel」嘅四仔，並非介紹一間真實嘅性虐酒店（當然我希望現實生活中真係有一間），而係一個有關愉虐性愛嘅四仔系列。據官方解釋，性虐涉獵甚廣，由制服到虐打，都可以被統稱為性虐，因而令外界產生誤會甚至抗拒，但凡提到性虐兩字就避之則吉，因此四仔片商就推出BDSM Hotel四仔系列，分層次話畀大家聽性虐有幾Enjoy！

純粹滿足幻想

雖然話係性虐四仔，但除露點演出外，整套四仔都冇任何性愛場面，片商解釋話純粹畀各位有志加入SM界嘅男女作了解何謂性虐。故此，呢個系列幾乎係性愛默劇，脫星只會行行企企，不見埋身肉博，大家純靠幻想滿足！

整個系列無論男女都要穿上皮革或塑膠衫上陣，似乎見怪不怪，但原來形象以外亦有功能性。好似件塑膠衫穿上身後可以泵脹全身，製造「逼爆」效果；另外皮革或塑膠嘅氣味、產生嘅官能刺激、肌膚接觸嘅質感、透過幻想而產生嘅快感，都同一般衣着完全唔同，演員無需任何身體上嘅性接觸已可得到滿足！

製作非常認真

「酒店」第一層，玩法最簡單，男女穿上皮革演性虐「默劇」，冇對話、冇表情，只擺出各款挑逗甫士，靠性幻想得到滿足。第二層開始玩主僕角色，由主人吩咐僕人做出各種動作，而所謂動作都係戴口罩，擺性愛姿勢，好明顯係教授性虐步驟，值得一睇！

到第三層就有大型道具出現，例如其中一幕「浸浴」，被虐男優要穿上塑膠衫，被蒙頭綁喺膠箱內，由飾演主人嘅女優灌水，直至被虐者求饒為止！又有360○圓床，夾喺中間畀人轉。系列製作絕不馬虎，例如一幕玩無重狀態性愛，確實有個「太空艙」做道具，被虐者要瞓喺艙內不能活動，而外面則有人伸手入艙搞佢，係爽定痛苦，只有當事人至知！

另一個抽真空嘅壓縮床，被虐者需瞓喺床上，全身抽真空，剩低口部可以呼吸，佢哋認為身體被壓迫嘅感覺好有快感喎，但奉勸大家千祈咪亂試，班演員都受過專業訓練，道具亦經測試，證明安全至用，一般玩家都係睇吓就算！

網上帶起話題

到目前為止，性虐Hotel共有五層，據知仍會繼續增加，而暫時未有話邊層最受歡迎，事關片商已表明，整個性虐系列係為入門做準備，因此過程絕不會有過激性虐場面出現，留番畀有興趣嘅玩家自行發掘箇中樂趣！

而網上討論區內確實有不少人表示希望加入BDSM界，大部分人認為無論制服同道具都非常認真，只要玩得安全，過程比正常性愛所帶嚟嘅快感更強勁。亦有人表示性虐可以自己玩，好似件吹脹塑膠衣咁，喺逼爆狀態下產生快感，無需假手於人，而有女士就覺得，皮革Cutting咁鬼潮，摸吓都興奮喎，唔知呢股性虐潮，幾時至會吹嚟香港呢？