一償心願

據有關負責人表示，呢項服務嘅目的，係滿足男士為艷星影全裸寫真嘅願望，等佢哋可以一嘗做艷星寫真攝影師嘅滋味。龍友只要先同影樓預約有關服務，並訂下影相嘅日期，就可以喺影樓提供嘅艷星名單中，揀選心水嘅艷星做模特兒，幫玲瓏浮凸又熱情如火嘅艷星，影番一輯香艷無比嘅寫真。

服務內容一般包括兩小時影樓使用時間、艷星、攝影器材、後期加工、道具等，收費為每小時US$1,500，折合約為HK$11,700。龍友如果想加鐘或搵多幾個艷星嚟影嘅話，價錢就要另議。

自行相議

當影完寫真後，龍友仲可以加錢將相片變成寫真集，只要加多US$50，約為HK$390嘅印刷費，就可以將相片印製成書，拎番屋企珍藏慢慢欣賞。不過可能有龍友覺得，難得可以埋艷星身任(目及)、任影兼任摸，如果可以真箇銷魂嘅話，咁咪仲正？

雖然負責人表示，艷星只係充當模特兒，並唔包括任何色情服務，但另一方面，由於影樓喺服務時間內，會變成屬於龍友嘅私人地方，故此佢哋係唔會限制艷星同龍友之間有任何非服務範圍內嘅活動。換言之，如果龍友影到慶合合嘅話，可以試吓同艷星議價，或者可以得到影相之外，另一種美妙無比嘅享受都未定o架！