踏入農曆七月，又係中國傳統鬼門關大開嘅時候，坊間好多鬼故事，喺呢段時間都畀人傳得疑幻疑真。但喺日本就有一間風俗店，唔知係有心定無意，竟然改個名叫做「鬼屋」，仲喺農曆七月公然挑戰客人膽量，唔知大家有冇興趣試吓呢？
我哋搵嚟成人網站嘅主編松島先生，問吓呢間風俗店點解咁大膽？松島話：「其實呢間開喺東京吉祥寺嘅風俗店，喺正大街路口，要入去幫襯，真係少啲膽量都唔得，因為好容易畀人睇到。佢前身係間居酒屋，所以全部都係日式裝潢！」
嚇你一驚
老闆接手後，由於冇乜錢搞裝修，於是就因利成便，將居酒屋變為和式風俗店，囡囡全部穿和服侍客。但如果只係普通和式色情場所，吸引力唔夠，於是老闆搵咗松島先生獻計，松島話：「我覺得鬼屋嘅概念可以試吓，美艷女鬼已經係Selling Point！」
原來松島先生將風俗店同鬼屋嚟個Crossover，客人一入風俗店，就好似入咗鬼屋一樣，失驚無神有個河童侍應跳出嚟嚇你一跳，畀咗錢之後，喺走廊位置會再嚇你一兩次，真係少啲膽量都唔掂，之後入到房囡囡就會同你講鬼古！
恐怖道具
其實入房後就唔會點嚇你，囡囡會講吓佢哋變成鬼嘅原由，主要都係博你同情佢，之後就攬攬錫錫，但最搞嘢就係佢有好多性道具，整得恐恐怖怖咁樣，例如有個好似眼球一樣嘅震蛋，囡囡掟埋嚟嗰吓，真係幾嚇人o架！
玩完道具，囡囡就會施展渾身解數進入戲肉！好多親身體驗過嘅朋友都讚不絕口，而且喺網上留言大讚刺激好玩，聽松島先生講，呢個農曆七月同遲啲嘅萬聖節，佢哋都會加料炮製，令客人享受雙重刺激，用「鬼屋」嚟做風俗店題材都畀佢哋諗到，真係唔到你唔服。
七月激安
小弟唔知日本興唔興盂蘭節，但佢哋就喺呢個月搞特價優惠，最平中午至黃昏六點時段，只收¥5,000，即係HK$450就有交易，真係平到不可思議，當然會有其他雜費啦！但松島就冇講囡囡質素，會唔會唔化妝都嚇親人，就真係要試過至知喇！