有啲囡囡好鍾意乜都同人拗一餐，而且拗親都贏，十足再世紀曉南咁，大家不妨留意吓，佢哋嘅舌頭部分都係薄而且長。據相書講有呢種舌頭嘅囡囡，天生好爭辯，而且才思過敏，所以每次拗親都贏，點都唔會輸。
另外，呢種囡囡全部都係聰明機智，幹勁沖天嘅人，所以深得老闆歡迎，如果配埋眼神銳利，佢哋會係商場上嘅才將，善於調兵遣將，運籌帷幄，坐喺辦公室就可以輕易與敵人決戰於千里之外，但如果舌薄而小就係奸險之人，要小心防範。
舌薄而長嘅囡囡，喺外面做嘢時會滔滔不絕，不過一返到屋企，就會由女強人變成溫婉伊人，對老公唯命是從，絕對係一個好太太，性方面本身要求唔高，但有時為咗滿足丈夫需要，可以嘗試一啲新玩意，所以揀老婆記住先(目及)吓佢哋條脷喇！