本文重點
四年一度嘅足球盛事，除帶起全球睇波熱潮之外，亦令唔少人漸漸熱愛運動，為咗迎合內地人喜好，內地一個電視頻道，最近就舉辦咗一次刺激又香艷嘅活動，名為《快樂美美向前沖》。
運動大比併
呢個活動係湖南一個電視頻道舉辦嘅，有關方面搵嚟一班身穿性感運動裝嘅美女，進行各種競技比賽。剛剛於19號結束嘅揭幕戰，搵到一共20位美女參加，佢哋之中有藝術學院嘅學生、專業模特兒，以及戶外體育愛好者。共通點係佢哋個個身材都Fit到漏油，而且活力十足。
比賽項目多多，例如鬥快衝過游泳池嘅大型浮板，當中數名參賽者不慎跌落水，搞到渾身濕透！最後，再嚟一場泥漿足球大混戰，各參賽者於布滿泥漿嘅足球場上拚個你死我活，波來波往，簡直係「Big波」蕩漾，戰情相當激烈！如果香港嘅電視台又搞埋一份，咁就唔使成日都搞巨聲呀、獎門人呀咁悶啦！