法令紋即係從鼻翼兩側延伸向嘴角嘅兩條紋，呢兩條紋真係唔可以睇小，因為佢關係到一個人嘅性格、成功、健康同埋生死，如果兩條法令生咗埋嘴角，相書話呢種相叫做「藤蛇入口」，話係「餓死」之相，而且會客死異鄉，倒臥街頭。
至於係真係假當然不得而知，但有研究發現，呢種相嘅人通常都會因重病離世，最後日子往往多月未能進食，只能吊鹽水過活。如法令喺中間斷開一樣危險，表示呢個人可能有遺傳病，而且會先天不足，身體瘦弱，發育不良，同樣係會因病餓死。
而法令斷開，健康時為人會比較操心大意，經常撞板，講嘢不止冇人會聽，而且好多時會冇人明白，所以運程普通，性慾不強，經常要太太獨守空幃。到中年時，身體易出問題，不幸的會一病不起，惟有從小做好人、行善業以求化解。