本文重點
不少台灣人氣靚女嘅外號都同食物有關，除咗豆花妹蔡黃汝之外，近期仲有早餐妹陳怡臻（暱稱小關關）。呢個索女不但有樣有身材，而且非常勤力，同時兼顧多份工作，最重要係無論任何時候佢都會以性感形象示人，難怪可以喺網絡人氣急升。
肯搏肯捱
如果大家上網搜尋「早餐店辣妹」，不難發現小關關嘅資料，事關佢嘅靚相早已被廣泛流傳。話說早前有網友拍下佢喺早餐店工作時嘅純情靚相，隨即引起萬千網民注意，又成為各大論壇嘅討論話題，不但令該店舖成為宅男嘅朝聖景點之一，更吸引唔少台灣傳媒專程去做採訪，間接令佢人氣急升。
據知，小關關喺早餐店只係做兼職，平時仲有好多工作，例如拍廣告、雜誌寫真、車模、Show Girl等，夜晚就會去夜店做兼職Dancer，真係24小時都唔夠用！此外，小關關仲參加過電視台舉辦嘅模特兒大賽，以及近期一個線上遊戲代言人選舉，佢肯搏肯捱，要喺呢行打響知名度，應該唔難嘅！