由於互聯網發展迅速，只要大家上網一Click，就可以搵到大量資訊，而且仲可以透過網站購物，令大家生活得更加方便。不過，家陣咁多網上商店，要成功突圍並唔容易，但係若然可以參考到日本呢間比堅尼酒店嘅做法，就一定有運行！

勁似風俗網

呢間比堅尼酒店唔係一間住人嘅酒店，而係賣酒嘅店舖，至於點解改個名做比堅尼呢，當然係因為入面有着比堅尼嘅店員啦！比堅尼酒店呢個賣酒網站，剛於今年初開張，網友可以從網站選購來自世界各地嘅名酒，而日本清酒、威士忌、伏特加等亦一應俱全。

由於呢類網站喺市面上並不罕見，正因為咁，負責人就決定加入新元素，就係將網頁設計到好似日本一般嘅風俗店網頁咁！搵來一大班水着模特兒上網推銷，除咗以大大張嘅巨乳比堅尼照片作招徠，仲將一班模特兒嘅資料，例如拍過嘅寫真集、三圍以及飲酒習慣等詳列，搞到好似風俗網嘅「風俗孃介紹」一欄咁款，明顯就係想吸引好色男士注意啦！

隔空乾杯

網頁嘅比堅尼模特兒，大部分都省鏡又好波，一身充滿熱帶風情嘅比堅尼，更令大家心曠神怡，未飲酒已經覺得渾身火燙！若然肯破費幫襯，體溫肯定再次急升，因為客人可以從咁多比堅尼模特兒當中，挑選一個陪你飲酒！

客人從網上訂購完美酒之後，網頁就會播出一段影片，由比堅尼女郎拋胸同你講多謝！到客人收到速遞員上門送上美酒嘅時候，手機更加可以收到比堅尼女郎同大家乾杯嘅影片。有靚女同大家隔空飲勝，雖然冇得直接接觸，但係感覺亦好暢快，飲都飲得開心啲啦！