大玩色慾遊戲

近日佛羅里達州出現咗一種名為「Fishing Darling」嘅服務，佢哋除咗可以幫釣魚愛好者安排船隻出海釣魚外，仲會幫佢哋搵埋靚女陪伴釣魚。據呢間公司嘅負責人表示，唔少想試玩釣魚嘅人士，因為怕出海垂釣太悶而卻步，於是佢哋便推出呢種服務，好讓玩家有個開心嘅釣魚之旅。

雖然講得咁健康，但呢種服務只係招呼18歲以上成年男士。心水清嘅朋友相信都知道，箇中當然另有內情。原來呢班辣妹除咗身穿火辣泳衣陪釣外，仲會同玩家喺船上大玩色慾遊戲，玩得興起仲可以喺船上曳曳添！玩家如果想體驗辣妹陪釣嘅話，只要付出每小時US$120嘅辣妹陪釣費即可。此外，玩家仲要另外畀多US$500租船費，抵唔抵玩就要計計喇！