本文重點
喺內地模界，雖然唔少索女都來自北方，之不過南方美女亦都唔差，好似來自廣東汕尾嘅鄭伊菲（Daimi），不但生得夠省鏡，更擁有黃金比例嘅身材，每次演出都將女人最性感嘅一面表露無遺。
騷在骨子裏
現年21歲嘅Daimi，係中俄混血兒，出道冇耐已迅速於網絡走紅，曾於2009年參加長隆比堅尼小姐大賽，獲得優秀獎。其後，佢參加華南小姐及東方國際模特兒大賽，雖然最終三甲不入，但憑着一副魔鬼身材，被製作公司睇中入行。
入行後，Daimi除為不同類型產品擔任模特兒外，亦頻頻為唔同媒體拍寫真，同時亦做過足球寶貝、車模、網站代言人，間中又會拍廣告、MV，擔任電視節目主持人及嘉賓。
無論樣貌或身材，Daimi都屬於超班人馬，尤其係着上內衣或比堅尼時，更將美好身材表露無遺，配合佢冷艷嘅外表，再加上充滿野性嘅甫士，十足性感小野貓一樣，難怪佢喺網絡上一直人氣高企，深受網友歡迎啦！
文：娟娟