有相書話男人嘅鼻窿如果生得細，就算係生於官宦世家，最後都會家財散盡，亦有相書話鼻孔細嘅人，持家節儉，性格吝嗇，照計生性孤寒，又點會散盡家財呢？唔通兩本相書，其中一本寫錯咗？
其實兩本古相書都冇寫錯，原來鼻孔細嘅人，吸氣少，做人嘅器量亦會相對地細，經常畀人小家嘅感覺，如果出身低微，節儉生活也可成家，但會冇乜成就，若出生大戶人家，你仲孤寒吝嗇，就會令家業無法發展，坐食山崩，最後就會破落收場。
而且吝嗇嘅人，並唔係唔會使錢，佢哋通常都受軟唔受硬，正所謂「正財難捨，冤枉心甘」，做佢哋嘅正妻，有餐溫飽已經不錯，但做佢哋嘅情婦就發達喇，為博紅顏一笑，佢哋反而會願意一擲千金，揀呢種男人做情夫就最啱喇！
達達