本文重點
今個月9號，喺廣州某水上樂園，搞咗一個「亞運我撐你」活動，替年尾喺廣州舉行嘅亞運會造勢，大會以免費入場暢泳作招徠，吸引咗1,940位身穿比堅尼嘅女士到場，砌出「廣州2010」嘅字樣及大叫「亞運我撐你」。
質素參差
呢次活動相當成功，仲破咗澳洲所創嘅最多比堅尼女士出席活動嘅健力士紀錄，大會正安排申請紀錄事宜。由於有咁多女士身穿比堅尼出現，自然吸引唔少記者同龍友到場，不過大部分有關呢次活動嘅新聞報道，都將焦點放於一班性感可愛嘅洋妞身上，反而本土囡囡就鮮有提及。
小記睇番當日嘅相片，終於解開疑團，原來唔少入場嘅囡囡，都係附近嘅工廠妹，質素參差，令記者都懶得浪費記憶體，有小部分記者更拍下嚇人「肉照」，難怪大家都只顧報道班洋妞同到場表演嘅啦啦隊靚女啦！