好快又到暑假，天氣將會愈來愈熱，唔知大家有冇諗過放幾日假，去旅行避暑呢？如果你都有咁嘅打算，小弟就提議閣下去威爾斯對出嘅呢個小島歎一歎，絕對夠晒爽！我嘅意思除咗係夠涼爽之外，仲可以令大家雙眼即時爽晒！
喺威爾斯海峽一個名為Flat Holm嘅小島，被英國同威爾斯嘅天體人士睇中，經過四年嘅安排同爭取之後，於上月27日終於組成天體旅行團。佢哋一上到呢個小島，就剝到一絲不掛，盡情享受擁抱大自然嘅樂趣！當日，有超過四十名男女一齊去到呢個小島享受全裸小島遊，雖然大部分都係上咗年紀，身材較為肥胖嘅男女，但係咁突破性嘅旅行，未來應該陸續有嚟，到時話唔定有更多妙齡少女到訪，大家真係要多加留意喇！
Max