身高輸蝕

出生於北京嘅王希怡（Ariel），加入內地模界一年左右，主要擔任平面模特兒工作。其實大家有留意開電子產品嘅話，或許都曾經見過呢位索女，事關Ariel早前先為名廠手機及手提電腦拍攝平面廣告，冷艷嘅形象令人印象深刻。

老實講，Ariel樣貌出眾，一雙鳳眼電力驚人，而且身材又夠平均，可惜個子不高，只有165cm，否則必定可以進軍國際。Ariel喺模界嘅表現早已備受肯定，早前佢參加咗某個網站舉辦嘅頂級美女選舉，喺數十位高質美女之中，Fight低張馨予、秦夢擎等多名模界猛人，成為選舉嘅第一名，實力可見一斑。

才貌兼備

Ariel除咗樣靚之外，學歷亦都唔差，喺墨爾本大學畢業嘅佢，能操一口流利英語。據聞佢更係秘方從不外傳嘅厲家菜傳人，真係有錢都未必食得到，而佢間中亦會協助母親喺日本東京經營餐廳。家底好，有學識，仲要咁索，難怪Ariel喺內地模界發展咁順利啦！

王希怡 Profile

英文名：Ariel　

出生日期：9月21日

三圍：35-25-36　

身高：165cm

體重：46kg