賢仔剛剛失戀，於是一個人落酒吧飲悶酒，佢見到不遠處有個打扮美艷嘅靚女不停向佢拋媚眼，正當佢猶豫緊去唔去搭訕之際，靚女行到佢身邊，停留咗幾秒，然後突然打咗佢一巴，仲話：「我唔會同你去開房o架！」然後就走開咗。
靚女此舉令成間酒吧嘅人都望住賢仔，令佢大感尷尬同疑惑！過咗幾分鐘，靚女又再行埋去搵賢仔。賢仔就話：「你又想點呀？係咪又想打我吖？」靚女話：「Sorry呀！我最近讀緊心理學，頭先只喺想測試吓男人面對呢種情況會有咩反應，我打得你痛唔痛啫？最多錫番你一啖補數吖！」
賢仔聽完之後即刻拍枱起身，向靚女大聲話：「八婆，你頭先收咗我$500話包過夜，依家坐地起價，你估自己鑲金o架！」全間酒吧嘅人即時望住靚女，令佢尷尬到無地自容！