呢個由一班前四仔明星所創辦嘅軍訓營，成立咗唔夠一年，但係卻得到唔少大牌四仔製作公司支持，定期送旗下嘅男優同女星入Camp受訓。呢個軍訓營之所以咁得製作公司支持，皆因佢哋唔單止訓練四仔從業員嘅體能同床技，仲會培養佢哋嘅團隊精神同戰意。

軍訓營負責人Ronnie Rocket表示，唔少四仔從業員態度散漫，加上部分四仔女星嘅床技更係不甚了了，而呢行其實要求極高體能，呢個軍訓營正好滿足有關公司嘅培訓需要。

苦練床技

入營後第一件事，當然唔少得跑步、障礙攀爬、游水等軍事訓練，而為咗令課程更完善，軍訓營更請嚟專業教練授課，同正式嘅軍訓差唔多。不過有別於一般軍訓營嘅地方，就係佢哋會請嚟經驗十足嘅四仔女星、男優同導演，等佢哋同學員分享四仔拍攝同演出經驗，而為咗讓佢哋更能掌握箇中要訣，導師甚至會親授床上技巧添！雖然訓練過程艱苦，但學員們都毫無怨言，但並排代表佢哋好學，只不過入親Camp嘅學員，都會被公司視為重點培訓對象，而為咗爭取表現，點都要勤力啲啦！

個人肯定

雖然每個訓練課程只係為期兩星期，但收費一啲都唔平，每位學員嘅學費為US$1,500，折合約HK$11,700。不過曾經入營受訓嘅四仔女星Valentine就認為貴啲都物有所值，除咗因為可以透過呢個機會提升體能外，仲可以學到唔少四仔演出嘅專業知識，最重要就係參加得呢個軍訓營就代表公司對你嘅肯定，就算辛苦啲都冇所謂。

據講，呢個訓練營未來將有機會開放畀已婚夫婦參加，唔知大家又有冇興趣，體驗一下呢種性愛軍訓營呢？