正常一般人嘅眼白顏色，應該係白色或帶少少淡黃，但如果大家有留意他人雙眼嘅習慣的話，會發現有好多年輕人，特別係男仔，眼白都會出現淡紅色，呢種紅色同平時所謂嘅疲勞紅筋，係有明顯嘅分別。
據相書所講，眼白出現紅色，原來係指呢個人不懂節制，隨心而行，輕則影響身體，重則更會有色難發生。所謂色難，就係桃花劫，原來眼白泛起淡紅色，喺中醫角度，亦代表佢呢排縱慾過度，特別係一啲新婚男女，度完蜜月返嚟就最常見。
有人會問，新婚燕爾又點會咁快有色難呢？咁又未必，蜜月過度虛耗，返來後對身體同工作都會有影響，如果未能即時返工，同事體諒都還好，萬一稍有不滿，就會影響同事間嘅關係，都咪話唔麻煩！
達達