四種服務對象

呢個網站出現咗已有一段日子，後嚟畀熱血網友發現，於是將佢放上討論區，好快就令呢個網站火紅起嚟。只需喺搜尋網站輸入「包養網」，就會發現一連串相關新聞，但就搵唔到登入門徑，小記幾經辛苦，終於喺一個細小嘅Blog內發現到呢個網站嘅連結。

登入後就發現呢個網站係畀四類人參加嘅，第一類係想包養人嘅男人，網上所示的身份唔係富豪，就係社會名流；第二類就係想包養人嘅女人，唔係富豪遺孀、名媛，就係女企業家；第三類就係想畀人包養嘅靚女，同埋第四類想畀人包養嘅靚仔。

人民幣8,000見面費

登入後發現想包養人嘅資料都唔少，男嘅有四至五個，女嘅更有六至七個，詳細寫晒佢哋嘅來歷，唔係大老闆就係企業家，睇落去十分吸引，但再睇埋參加辦法，原來所有參加者都要畀人民幣8,000網站，先至可以安排見面，至於當中有否成功配對嘅例子就冇寫清楚。

於是有唔少網友就話呢個可能係騙局，因為所放上去嘅資料有可能係假，就算係真，試諗吓有錢人要包養靚仔靚女，又點會貼晒個人資料出嚟咁張揚吖，搵淫媒咪仲方便！