額頭部分又稱為官祿宮，掌管一生嘅事業運勢，所以一個人個額生得好唔好，嚴重影響事業嘅發展同前途，而今日介紹嘅呢款額形，對事業運可以話大有幫助。呢種向上生成半月形嘅額頭，如果額嘅兩邊夠闊同埋夠飽滿，就代表頭腦十分機靈，絕對係話頭醒尾，舉一反三嘅人。加上佢哋記憶力超強，所以深得上司喜愛，經常獲得上司提拔，人哋要十年至升上嘅位置，佢可能三、四年就坐到，而且理財有道，所以正財同橫財運都相當唔錯。
唯一缺點就係用腦過度，所以情緒容易波動，經常喜怒無常，做佢哋嘅同事同另一半會非常辛苦。性行為方面，會比較喜歡啲古靈精怪嘅玩意，因為佢哋除咗用性嚟滿足性需要之外，仲會用性嚟平衡自己嘅心理，所以做佢哋嘅另一半都幾惡頂o架！