日本AV界嘅「SKYPerfecTV！成人廣播大獎」，雖然唔及我哋嘅電影金像獎有29年歷史咁悠久，但今年已係第六年舉行，同樣成為日本嘅城中熱話。

全民參與

「SKYPerfecTV！成人廣播大獎」屬於日本AV界最頂級嘅頒獎活動，合共超過100間AV製作公司參與，頒獎禮當日亦有足足31個媒體單位播放。競逐各個獎項嘅入圍名單公布後，大會便開放網頁畀公眾上網投票，一齊支持令佢哋消耗最多精力嘅作品以及女優，向對方投下神聖一票。

除此之外，頒獎現場亦免費開放畀市民入場參觀。市民可以睇到心儀女優之外，今年仲可以睇到唔少情色味濃嘅環節。因為今年3D影畫技術大熱，連日本AV界都希望趕上3D熱潮，所以大會特別安排一個環節，請到幾位女優換上比堅尼上台，再由其他演出嘅男優轉幸福輪，轉到某一格，就要照上面寫嘅動作嚟做，例如Fing波或者自摸雙峰等，同一時間就用3D攝影機拍攝畫面，畀各界欣賞一下3D技術拍出嚟嘅效果有幾激凸！

女神摘冠

獎項方面，最佳女優獎就由於2009年至出道，一出道就紅到發紫嘅超人氣混血女神─原紗央莉奪得。央莉人靚身材好，演技又出色，每套作品都大賣至少一萬隻，加上又有參演電視劇以及其他情色電影，所以氣勢力壓其他人氣女優如小澤瑪莉亞、範田紗紗、以及七海奈奈等。最佳新人女優則屬於中型廠KMP嘅一姐，生於90後嘅藤井雪莉。

雪莉青春得嚟，五官又生得精緻，演出多元化兼食住Cosplay熱潮，夠晒出色！而另一大獎，熟女女優獎則由29歲嘅堀口奈津美奪得。冇辦法，奈津美嘅演出淫意滿瀉，最重要係擁有柔軟體質，以及鯨魚式噴水絕技，佢喺09年度嘅作品又多又精彩，如果唔係年紀較大，原紗央莉個獎都可能畀佢搶埋！

至於天后小澤瑪莉亞雖然畀原紗央莉打敗，但係由於佢投身風俗店「虎之穴」做風俗孃嘅消息震驚各界，所以成功奪得傳媒大獎，總算有番多少安慰。