下巴尖嘅人，雖然外表漂亮，又聰明理性，但愛情運麻麻。理由好簡單，太過理性嘅人唔擅長人際交往，身邊除咗冇伴侶之外，仲連朋友都唔多個，如果呢個尖下巴唔向下生，反而向外翹起，原來對運程影響更大。
下巴尖兼且向外翹嘅女性，性格剛毅，乜都要人聽晒佢安排，用刁蠻任性嚟形容佢哋，絕對貼切。佢哋為人自我中心，對朋友同丈夫要求多多，所以身邊唔止冇朋友，就連另一半都好有可能會頂唔順佢嘅臭脾氣而離婚。
所以婚後記緊要改吓啲脾氣，否則中年時好易離婚，如果有子女，子女長大後亦唔會同住，所以晚年會變得孤苦無依。唔想做孤獨老人，記得改吓啲脾氣喇！
達達