我哋香港人搞慈善義不容辭，所以每逢有籌款活動，都會踴躍捐輸，除此之外亦會身體力行，例如參加步行籌款，或者擔任義工。原來，英國人亦同我哋一樣咁有善心，一班英軍家眷更加肯為慈善「徹底」瞓身籌款添！
較早前，有鑑於唔少英國軍人於阿富汗及伊拉克獻身報國，一個由軍人家眷組成，專為傷殘軍人籌募慈善經費嘅組織「Service Wives And Girlfriends」（SWAGs），為咗籌款，決定拍一輯火辣誘人嘅裸體月曆！總數共50名軍人家眷齊齊到英國海陸空三軍軍事基地及訓練中心剝光豬，以不同軍備做道具及背景拍攝月曆。
雖然重要部位都被借位遮掩，但係一班家眷嘅誘惑胴體一樣表露無遺！所以，月曆到目前為止銷量甚佳，成功為SWAGs籌到二萬六千幾英鎊，差唔多有成三十幾萬港紙o架！