Sasha喺18歲嗰陣投身四仔界，憑住俏麗嘅容貌得到四仔迷嘅歡心，並喺成人電影頒獎禮AVN Awards中，奪得最佳新進女星獎。不過，Sasha嘅艷光並唔止於四仔界，事關佢喺拍四仔嘅同時，亦兼職做模特兒行天橋、客串MV嘅女主角及演出低成本喜劇電影。

成功轉型

唔知係咪Sasha有相當嘅銀幕演出經驗關係，之後佢被曾經執導《盜海豪情》、《毒網》嘅著名導演Steven Soderbergh睇中，邀請佢擔任電影《The Girlfriend Experience》嘅女主角。呢部戲講述應召女郎如何服侍富豪，放工後則點樣同男友相處嘅故事。除咗考Sasha嘅演技外，仲要達到導演嘅要求，如果冇番咁上下演技，真係好難做到。難怪電影推出後，不但好評如潮，而Sasha嘅片約更係接到唔停手，更被評為最成功轉型嘅四仔脫星之一啦！