日本AV女優大部分都索到啪啪聲，由於佢哋身材樣貌都咁高質，所以不少女優從良後都投身藝能界。已故嘅飯島愛就經常出席藝能節目，後來仲出書做才女；而小弟我嘅一生最愛及川奈央亦有做夜間節目主持人。同一時間，現役女優當中亦有女優深受藝能界歡迎，好似天后級嘅蒼井空、吉澤明步、Mihiro等等就係最佳例子！

Fing胸唱歌

三位女優都係當今AV界嘅頂尖人物，不少節目都希望借助佢哋嘅人氣同性感魅力吸引觀眾收睇。佢哋上到藝能節目，除咗會大玩有味遊戲外，仲會唱吓歌仔！由佢哋一把銷魂蝕骨嘅聲線唱出嚟，真係唱乜都咁好聽！亦可能因為咁，一班AV女優就組成名為「惠比壽麝香葡萄」嘅組合，實行殺入藝能界做歌星！

「惠比壽麝香葡萄」總共由25名AV女優組成，當中包括蒼井空、吉澤明步、Mihiro、麻美由真、佐山愛、Rio等等，大部分都係極品女優，佢哋嘅單曲《Banana、Mango、High School》更於網上熱播，睇住佢哋喺MV入面又唱又跳，鮮嫩魅惑嘅胴體配上活潑動作同有味歌詞，加上跳跳紮嘅Fing胸舞步，真係睇到人慾火急升！呢隻單曲更成功打入日本Oricon細碟榜第8位添！據聞有藝能公司見呢招成功跑出，嚟緊更會推出百人AV女優組合搶攻樂壇。

除咗Fing胸唱歌外，佢哋仲會密密搞活動，例如為佢哋嘅單曲舉行簽名會，另外，女優們仲會拍短片，同上東京電視台嘅深夜節目玩遊戲。

分組競技

由於為數25人嘅女優實在太多，玩起遊戲上嚟非常唔方便，所以平時會分為三組，包括由蒼井空帶領嘅「霞可愛教育學院」、吉澤明步帶領嘅「初音可愛水產高校」以及Rio帶領嘅「Rio可愛高中」，於節目中互相角力。例如大鬥魅惑表情、乳溝闊度、巨乳彈性之類，雖然唔會有露點鏡頭，但係一樣鹹趣，令人睇到流晒鼻血。早前蒼井空表示希望可以喺內地開Fans Meeting，唔知佢哋又會唔會考慮嚟香港或返內地做宣傳呢，如果可以，我實仆到去支持！