無論男女，眉毛生得短，就代表與父母無緣。點至叫短眉？如果眉頭眉尾，同眼眶嘅頭尾，畫兩條直線，出現上窄下闊嘅情況，就係短眉，而一般情況下，短眉毛嘅朋友，眉毛都會生得較稀、較淡或較幼細。
如果短眉得嚟，眉毛卻又濃又黑，據古相書講，呢種人會係某啲行業嘅領導人物，例如軍政界或者商界等，佢哋下面會有好多忠心嘅下屬聽佢指揮，只要一聲令下，就會勇往直前，為佢哋完成任務。
眉毛生得愈粗，就代表能力愈大，成功機會亦愈高，但如果眉毛過度濃密，就會思想偏激。性慾方面，呢種人慾望一時會好高漲，一時又會好冷淡，令伴侶無法捉摸，而且身邊不斷有異性出現，同佢哋一齊，真係要時刻(目及)實佢先得！
達達