呢間位於東京錦糸町嘅出張風俗店，名叫「May Do無雙」，一聽就知道好有動漫感覺。而呢間風俗店亦係主打Cosplay服務，新開張時，同其他場一樣，只提供一種變裝，但後來為加強競爭力，至演變成一送一形式。

變裝不另收費

據知，負責人由於見開業後顧客反應一般，於是決定要全部囡囡都以女僕裝上門。上門後，囡囡會先穿着女僕裝替客人服務，而喺沖涼後，再進行變裝。當然變乜裝就由客人選擇，可以係女學生、貓女或者其他動漫人物，而最吸引客人嘅就係，兩次變裝都不另收費。

熟悉日本風俗店嘅朋友都知道，變裝服務係收費項目，除咗打正旗號嘅角色扮演風俗店外，其他風俗店對於變裝服務都會另外收費。而佢哋除咗玩女僕變裝之餘，仲可以免費畀客人揀多一種服飾，對於有變裝癖嘅客人嚟講，自然零舍吸引。

滿足大男人心態

有朋友會問，點解要揀女僕裝上門，唔揀其他制服呢？據負責人表示，由於時下日本好多囡囡都愛着女僕衫出街，漸漸已經成為潮流，所以囡囡着住出街，大家都唔會覺得奇怪，相反你着住其他制服通街走，就會好礙眼。至於校服則更加唔方便，因為客人通常都喺時鐘酒店訂房，囡囡着住校服上門始終唔係幾好，更遑論其他另類服飾，如兔女郎裝或動漫角色裝扮，所以女僕裝對囡囡嚟講會比較方便。

而且唔少日本男士都比較大男人，望住身穿女僕裝嘅囡囡叫你一聲主人，然後任由你擺布，感覺係咪更正呢？