阿洋係一個冒險家,最鍾意就係去世界各地尋幽探秘。最近,佢就去到非洲一個大森林探險,途中遇到唔少兇猛野獸,亦從好多有毒生物中執番條命。不過,所謂避得初一,避唔到十五,阿洋於大森林行行吓,就畀一大班土人重重圍住!而熟悉非洲部落土話嘅阿洋從佢哋口中得知,自己原來闖進咗佢哋嘅領土,所以要捉佢去等酋長發落。
阿洋被押到酋長面前,酋長話:「我哋嘅土地好神聖,你入侵我哋嘅土地,代表向我哋全族人宣戰!」阿洋口震震咁話:「我冇心o架!唔好殺我呀!」酋長話:「我唔殺你,只係想同你玩個遊戲,你識唔識玩俄羅斯輪盤呀?」阿洋心諗玩俄羅斯輪盤有機會博到唔使死,於是點頭話:「識玩呀!」酋長就叫手下安排一下。
然後,六個美女出現於阿洋面前,酋長話:「呢度有六個女仔,你可以從中揀一個女仔出嚟幫你吹奏。」阿洋大叫:「正呀!益晒我!」酋長然後又話:「六個女仔當中有三個係食人族,你好自為之喇!」