16/04/2010

播放本新聞相關短片

麻亞里 復出無期

日本水着界人才輩出,競爭激烈,能夠上位嘅女仔,梗係有番咁上下質素啦!好似麻亞里咁,青春無敵,一直深受宅男歡迎,之不過人紅自然是非多,傳聞佢有意轉投另一間大公司,而被所屬事務所「雪藏」。

跳草裙舞闖禍

現年18歲嘅麻亞里,本名中島麻亞梨,青春可人嘅佢,身材平均,性格豪放大膽,出道冇耐就喺水着界站穩陣腳。初時佢只為雜誌拍攝寫真,後嚟則開始接拍廣告、做舞台劇及聲優等,同時亦曾參與電視、電影嘅演出,可謂百足咁多爪。

正當麻亞里嘅事業漸入佳境之際,突然傳出佢同所屬事務所提前解約,原因係有另一間更具實力嘅公司重金邀請佢加盟。雖然當紅水着妹跳草裙舞好平常,但因為事件被過分渲染,終於搞到老闆下令將佢「雪藏」,並停止一切工作,直至合約完結為止,阿妹今次真係冇運行喇!

作品推介

名片:《馬里的休日》

片長:44分鐘

簡介:度假勝地馬爾代夫係唔少人嘅至愛,麻亞里呢次去到當地首都馬里進行拍攝,除以不同款式嘅性感比堅尼示人之餘,仲玩埋濕身誘惑,陽光與海灘配搭性感美少女,果然魅力沒法擋!

麻亞里Profile

年齡:18歲

三圍:31-23-31

身高:5呎3吋

娟娟