本文重點
見到性感索女望多兩眼,實屬正常反應,但如果女方下下徹底剝清光,反而未必係一件好事,因為冇晒神秘感,好容易會令性趣大減。而講到脫衣技巧,於夜總會工作嘅Lily就最在行喇!
現於澳門利×夜總會工作嘅Lily表示,每次喺對手面前解除束縛嗰陣,佢都會花啲心思,令自己變得更有吸引力,將對方嘅慾火燃點至最高點。
脫得適時
Lily話:「如果女仔每次都係快手快腳咁自行剝光豬,有機會令男人產生一種錯覺,以為嗰個女仔係豪放蕩女,擒擒青冇厘性趣。相反,半推半就或要求男方幫手,反而更能挑起男士嘅慾望。女仔可以故意叫男方幫手解開個Bra,然後慢慢除低,千祈咪睇小呢個簡單嘅動作,其實啲男人不知覺得幾過癮,更重要係盡量避免畀男人覺得你擺明車馬撩開戰,以免顯得自己太Cheap。」
Lily講得冇錯,脫衫動作快唔係一件壞事,但總有機會畀人一種趕住收工嘅錯覺,到時仲邊有癮開戰呢?
激發性慾
聽完Lily嘅講解,相信大家漸漸明白點解脫衣都可以係一種學問。唔知道Lily仲有乜嘢方法,可以更有效激發男人嘅戰意呢?Lily就話:「梗係有啦!我嘅方法係喺剝衫之前,故意露少少畀對方睇,呢種視覺上嘅刺激,同穿着性感內衣嘅道理一樣,可以激發男人嘅潛在性慾,令佢哋想進一步揭開內衣之下嘅神秘一面,繼而忍唔住發動攻勢,提升性興奮。有時,我仲會故意表現得欲拒還迎,對手見我咁曳,自然火都嚟,到時咪叫佢喺床上面大力啲懲罰我囉!」咁都得,真係服咗佢喇!
Lily's Profile
三圍:34-24-34 強項:「慾」拒還迎 興趣:睇戲

