相書話如果男士天生細面，但配上大牙齒，就會財運欠佳，難有大成就，因為面形大小，係同自己嘅生活空間有關，面形大，生活圈子就會愈大，反之亦然，而旺盛嘅體力只可以喺小圈子裏面發揮，想有大成就都幾難！

相書仲話呢種人壽無長，即係短命，皆因佢哋經常鬱鬱不得志，鬱結難解，所以容易鬱到病。至於夫妻運方面，一般都會對太太兒女好，因為一生心血都放晒喺屋企，但同時亦會令自己壓力過大，要適當地取得平衡為佳。