台灣o靚模確實魅力非凡，繼「小徐若瑄」李毓芬之後，呢次再介紹一位人氣急升嘅索女畀大家認識，佢就係有「翻版曾愷玹」之稱嘅宋紀妍。呢位台灣o靚模樣貌標致可人，早前代言線上遊戲，更以性感造型出席宣傳活動，謀殺在場人士唔少菲林。
嶄露頭角
現年23歲嘅宋紀妍，本名沈海欣，初出道時雖然唔係走性感路線，但憑住玲瓏浮凸嘅身材，好快就吸引觀眾注意。後嚟喺電視節目《大學生了沒》擔任嘉賓，因貌似當紅藝人曾愷玹而逐漸走紅，更成為廣告商嘅新寵兒，好似早前佢就取代江語晨，成為某飲品嘅代言人，實力不容忽視。
性感出擊
大家都話佢似曾愷玹，但宋紀妍嘅身材則比曾愷玹更索，而最令人印象深刻嘅係佢代言《龍online》之後，經常以女媧造型出席宣傳活動，不但夠晒美艷動人，心口嗰對警鐘胸簡直令人噴血，迅速成為宅男新寵。
年齡：23歲 三圍：32D-24-35 身高：163cm