當中尤以女性為甚，除咗代表佢體弱多病外，亦表示夫妻運極差。古時婦女要相夫教子，持家有道，但身體成日唔舒服，又點有能力做好太太嘅本分，如果健康問題嚴重，仲會影響生育，就算勉強生到一男半女，亦可能同媽媽一樣身體欠佳。特別要小心26至34歲行眉運嘅時候，身體會出現嚴重問題，一定要好好調理。

而眉毛枯黃，一生亦欠缺助力，好多事都要親力親為，就算得到丈夫愛護，但終年臥病在床，亦會心生歉疚，心理壓力會令病情惡化，記緊做人一定要睇開啲！