因為喺兩會期間，有個姓宋嘅全國政協委員，喺大會上呼籲關注公路濫收路費嘅問題，更話江蘇省嘅收費員，收入最少都有¥8,000一個月，有啲仲過萬，暗示公路公司牟取厚利，經此曲線宣傳，唔少女收費員一夜之間成為網民瘋狂追求嘅對象。

言過其實

又難怪啲男人會咁諗嘅，喺內地可月入¥8,000，已經算係高收入人士，一般只有大公司嘅行政人員或者專業人士至會咁高薪。不過網民又唔係完全盲目盡信嘅，佢哋利用互聯網搜查資料，發現湖北嘅公路收費員只得¥600一個月，廣西嘅亦只得¥1,000，去到安徽亦只得¥1,200，而北京嘅亦只得¥1,500，估計係有人誇大數據以吸引注意。

事件經媒體報道後，有人質疑該委員言過其實，但無論點都好，真相大白後，呢股追求公路收費員嘅熱潮始終冷卻落嚟，呢班囡囡嘅生活又可以回歸平靜。