男人做事有冇機會成功，主要睇條眉，如果生得清秀有力，就代表有貴人幫助，相反淺到好似冇眉毛咁，就代表份人比較自私，所以喺事業上冇乜貴人兄弟會幫助佢，做事難以成功。
而且眉毛淺淡嘅男士，情緒上落會好大，一時同你稱兄道弟，一時又會反面無情，令人覺得不易相處。而且男人眉毛以挺直為之最好，淺淡眉毛嘅男人，如果條眉仲生成彎彎咁款，則表示為人陰險狡詐，會做出一啲損人不利己嘅事。
另外，由於呢種男人比較自私，所以大多數係寡情薄幸之徒，只要囡囡同佢上完床，滿足完性慾後，好快就會反面唔認人，絕對唔會係好情人同好丈夫，同佢一齊嘅女人，就算一心想改變佢，最終都會大失所望，不如及早覺悟，揀過第二個仲好啦！
達達