開心到震嘅肥寶，為咗能夠安全盡興，喺上美琪屋企之前，就喺佢樓下嘅藥房選擇啱心水嘅安全套。肥寶去到藥房之後就表示自己想買安全套，藥房老闆就問：「你要三個裝、六個裝，定係十個裝呀？」肥寶諗咗一陣之後答：「唔……我為咗今晚谷咗好耐，唔做十次八次點得呀！一於就買十個裝啦！」畀完錢之後，肥寶就哈哈大笑咁離開。

當晚，肥寶去到美琪屋企，一入屋就見到美琪父母安坐於飯枱旁邊，佢迅速搵位坐低，然後一直垂低頭。

過咗五分鐘、十分鐘、二十分鐘，肥寶依然唔肯抬起頭。美琪就細細聲同肥寶講：「識你咁耐都唔知你咁怕醜喎！」肥寶好無奈咁細細聲話：「識你咁耐，我夠唔知你阿爸原來喺樓下開藥房咯！」