相學上話「上唇主情，下唇主慾」，意思係上唇生得厚同凸嘅人，代表喜歡追求心靈上嘅滿足，係一個感情豐富嘅人，而下唇生得厚同凸嘅，就代表喜歡追求物欲上嘅滿足，係個愛美貪杯嘅人，所以由嘴唇厚薄嘅變化，就可以睇出不同性格嘅取向。
今日就同大家講吓上唇薄、下唇厚嘅男士，原來呢類男人九成以上都比較薄倖，用情不專，容易見異思遷，而下唇厚就表示重情慾、好美色，試想像一個又鹹濕又冇本心嘅人，係咪賤格吖！但原來有唔少男人都屬於呢類型，女士們揀伴侶時真係要小心。
不過，原來嘴唇嘅厚薄，係會隨心態轉變而變化，有人婚前上薄下厚，但婚後就會變成上下一樣厚，對太太專一。但如果有人上唇好似一條線咁薄，但下唇就好厚，就代表呢個男人性慾超強，當一個女人滿足唔到佢，就會有偷食嘅可能。