為咗吸引市民注意，好多商家搞宣傳都無所不用其極，最常見嘅方法就係搵推銷員派傳單，落本少少就搵靚女模特兒又或者搵人換套毛公仔衫出街做推廣。不過，呢類方法我就略嫌老套，反而上海呢間商場嘅宣傳就有創意兼有睇頭喇！
櫥窗內做運動
呢間商場位於上海淮海路，為咗吸引街上嘅市民，特別安排咗唔少櫥窗騷！點樣做騷法？商場請來幾個專業模特兒換上運動套裝，喺櫥窗入面做運動，例如跑步同拉筋等等，雖然呢班靚女模特兒嘅動作唔會好似跳鋼管舞咁誘人，但係穿上小背心嘅佢哋亦展現出健康嘅性感，而且稍為有大動作，就會露出乳溝，生得高大嘅民眾，行過就可以一覽無遺喇！若然香港嘅商場都可以倣效，我哋就有眼福喇！
Max