埋身肉搏

香港人鍾意睇武打片，若然加埋啲裸露鏡頭就更加Perfect喇！喺美國，早已有唔少四仔動作片，除咗硬橋硬馬嘅埋身肉搏外，仲會玩埋戰爭主題，飛機大炮乜都出齊。

其中一間做得最出色嘅製作公司名為「Actiongirls」。由04年開始，Actiongirls就專門開拍一系列戰爭四仔。不過雖然佢哋所起用嘅全部都係一線脫星，仲會四點盡露，但過程中卻無任何性愛場面，不過依然令觀眾睇得興奮！

製作認真

部分劇情其實相當「無聊」，每次「四仔打女」出現，都會例牌扮演「女占士邦」又或「戰場英雌」；無情情同對手（男優）互揪，有時更出動手槍及軍刀，最誇張莫過於出動坦克，高潮位更會有爆破場面，製作超認真。

通常每套戲都會由一位脫星擔正演到尾，因此能參與拍攝該系列嘅脫星，身材一定弗到漏油。現時，Actiongirls每個月大約有六套大作推出，製作亦漸趨多元化，除咗大型戰爭、街頭巷戰外，亦有生活化劇情。最新一輯由脫星Jessica主演嘅新作，故事講述阿妹於影樓拍攝寫真途中，突然被一班淫賊闖入，阿妹赤手「胸」拳，以一敵三，打到對方走夾唔抖，好精彩o架！