以往嘅性愛公仔，不論像真度有幾高，但始終係死物，冇厘反應，任憑玩家瘋狂挺進都唔識叫，感覺自然大打折扣。不過啱啱喺美國拉斯維加斯舉辦嘅成人娛樂展「Adult Entertainment Expo」中，就有廠商推出栩栩如生兼識得畀反應嘅性愛機械人，從此大家唔使再攬住個死魚玩具曳曳喇！
五種性格
呢個身高170cm，體重120磅，擁有C Cup上圍，名為Roxxxy嘅女性性愛機械人，同以往嘅性愛公仔最唔同嘅係佢可以同玩家交談，更識得表達情緒，讓玩家恍如同真人曳曳一樣。據Roxxxy嘅設計師Douglas Hines介紹，現時嘅Roxxxy識得聽同講英文，更有五種唔同嘅性格可供選擇，分別係狂野、怕醜、成熟、保守同愛被虐等，讓玩家可以物色到心水伴侶。
度身訂造
同以前嘅吹氣公仔一樣，玩家可以揀選心水嘅容貌、頭髮顏色、膚色等組裝心儀玩偶，仲可以喺廠商網站填寫有關問卷，然後將資料下載到Roxxxy中，就能炮製出了解玩家喜好嘅性愛機械人。雖然Roxxxy嘅訂價為US$6,495起，折合約為HK$50,000，但據講現時已有4,000幾名男士訂購，足見市場對佢期待甚殷。Douglas更表示喺不久嘅將來，會推出男性機械人Rocky，滿足埋女性玩家嘅需要添！