唔少男人都幻想發達後，可以過住妻妾成群嘅生活，但點先至可以搵到高質又有氣質嘅二、三、四奶呢？早前北京就有一名自稱年紀唔夠三十歲，名字叫票哥嘅男人，搵人於中央戲劇學院內張貼「招二奶」嘅廣告。搵二奶搵得咁張揚，果然厲害！
江南美女
呢位票哥咁明目張膽搵二奶，身家當然有番咁上下啦！原來呢位仁兄宣稱早前中咗¥1,383萬嘅彩票。作為一個暴發戶嘅佢，亦相當識歎世界，第一時間走去中央戲劇學院度徵二奶。佢對二奶嘅要求好簡單，除咗必須係年齡介乎18至22歲嘅戲劇學院學生之外，亦最好係江南人。成功獲選嘅二奶日薪將有2,000日元！
出手過低
為咗成功招聘到靚女，呢位仁兄將「招二奶」嘅廣告貼滿成個中央戲劇學院嘅校園，而佢更留下電話同QQ號碼。不少人批評呢種包二奶嘅行為相當唔道德，更有人認為呢間作為鞏俐、湯唯、李亞鵬等一線明星嘅母校，中咗千幾萬彩票就想喺度包二奶，出手未免太低，難以吸引靚女垂青喎！