兩眉中間嘅位置叫做印堂，相學十二宮中叫佢做官祿宮，要睇一個人有冇名譽地位，都係睇呢個位置。如果生得飽滿，冇紋侵痣破，就容易早成名，十零廿歲已經喺工作圈子中嶄露頭角。
特別係女性，好多十幾歲就成名嘅女星，大多數都印堂飽滿，所以睇啲乜嘢歌唱比賽或者選美比賽都好，贏出嘅大部分都係印堂飽滿嘅女仔。
印堂飽滿嘅女仔，大多數都比較聰明，接受能力較強，好快就掌握到工作竅門所在，容易受人賞識，因此事業心同野心都比別人強，不斷要求自己再創高峰，一旦到咗發展嘅樽頸位時，如果唔識得放開胸懷，就好容易會睇唔開，如果閣下女友都係呢種相，就要小心睇實佢喇！
達達