早幾日北京電影學院舉行一年一度嘅招生日，原本院校招生只係普通事，但竟然引嚟大批傳媒追訪，莫非有巨星出現？原來班記者只係想睇吓今年有冇邊啲優質靚女報讀，分分鐘成為第二個趙薇或徐靜蕾。
隨時受騙
為咗令報道更有睇頭，記者們當正呢班考生係選美會嘅佳麗一樣對佢哋評頭品足，甚至上前追訪部分外在條件較佳嘅考生，令佢哋未入行已經先嘗明星滋味。除咗記者外，亦有唔少模特兒及經理人公司嘅職員於校院門外守候，希望從中發掘明日之星。
不過當中有部分其實係騙子，只係想藉機欺騙一眾發明星夢嘅男女，每年都有唔少人中招被騙財騙色，考生們會唔會畀騙徒利用，就真係要考佢哋嘅眼光同彩數喇！
達達