已經一把年紀嘅露茜，同男友拍拖十年，終於願意結束愛情長跑，決定同對方結婚。不過，喺結婚之前，露茜希望先完成自己一個心願，就係想同經常發生超友誼關係嘅好友肥仔賢嚟個感情了斷。
喺結婚前一晚，露茜走去肥仔賢屋企，準備同佢嚟一場轟烈嘅床上大戰，然後正式結束關係。喺匆忙之際，肥仔賢忘記咗冇晒安全套，但佢懶得落街買，於是隨便拎咗條即食香腸，剝咗個膠套當安全套用。點知完事之後，膠套卻留咗喺露茜體內，但兩人並未察覺。
第二日婚宴之後，露茜同丈夫洞房嗰陣，包裝紙突然跌出嚟。丈夫長腳豪執起問：「Honey ，呢張乜嘢嚟o架？」露茜支吾以對，情急之下惟有話：「唔……呢個係……係我嘅處女膜囉！」長腳豪細心一睇，見到上面印咗個有效日期，於是就話：「咦？睇嚟你個處女膜就到期喇喎，我哋結婚真係結得啱時候喇！」