未過十五，都仲算係新正頭，小弟祝大家龍精虎猛，虎年進步，橫財就手，再祝各位男士鞭鞭有力！提到鞭鞭有力，我哋中國人就最鍾意以食療方式促進性機能，而要達到最佳表現，燉一盅鞭類湯水絕對係不二之選！如果大家都對「鞭」有興趣嘅話，參觀冰島呢個博物館就一定可以大開眼界喇！
因為呢間名為The Icelandic Phallogical Museum嘅博物館，收集咗天下動物嘅鞭！名副其實集天下「兵器」於一館！位於冰島Reykjavik嘅陽具博物館開放於1997年，至2009年9月已經收集咗272條來自92種動物嘅陽具，當中包括大象、鹿、熊、海豚等等，以乾製、浸製方式製成標本，呈現於大家眼前。
當然，大象嘅呎幾長巨型長鞭一定令大家驚訝，而蛇類嘅兩頭鞭亦同樣觸目。除此之外，博物館仲有幾盞「估計」係以動物嘅「袋袋」製成嘅燈罩，一樣令人耳目一新，精彩！