好多男人諗嘢嘅時候，都喜歡皺眉頭，令眉心中間出現一條直紋，呢條紋叫做「懸針紋」。擁有「懸針紋」嘅男人，意志力驚人，選定目標後，會永不放棄，好多成功嘅運動員都有呢條紋。但因為性格太主觀同固執，做事一意孤行，所以好難同人合作，喜歡獨斷獨行，剛愎自用，只能從事個人專業發展，喺大公司工作注定冇運行。
感情方面，拍拖時佢係一個好情人，因為佢會花盡心思，令你分分鐘有驚喜。但婚後就會完全改變，對太太愛理不理，床上表現亦如是，往往有頭威冇尾陣，完事後就會抱頭大睡，只視性交為減壓嘅工具，呢種男人執到都真係要喊三聲呀！
達達
