近年有睇開電視嘅朋友，都知道每逢星期日，兩個免費電視台都會播出各類型飲食節目。老實講，呢類飲食節目其實大部分都唔好睇，首先，主持人成日去高檔食府試食，但係一般觀眾又點食得起，正如我知西半山啲樓好住，不過住唔起之嘛；其二，主持人多為演員，食物剛放入口就擘大雙眼作驚訝狀，繼而話：「嘩！好好味呀！」連去試食亦交足戲！

好彩，又唔係個個飲食節目都係咁，有時主持人都會講吓每道菜式嘅典故，又或食物嘅特性，睇完都算做有嘢學。但係相對於日本呢個飲食節目嚟講，我都仲係會選擇後者，無他嘅，因為主持人係我最愛嘅AV女優囉！

專踩夜場

講到食，日本食物一向都受人歡迎，而除咗最大路嘅壽司同拉麵之外，亦有好多特色食物。好似北海道咁，就有章魚燒、燒粟米，純鮮牛奶亦一樣出晒名！

不過北海道嘅美食不僅於此，如果想知道嘅話，只須留意日本一個飲食節目就得喇！呢個名為《滿足女神》嘅節目，搵咗五位頂級AV女優帶大家暢遊北海道，當中包括天后級女優吉澤明步、有「平成生巨乳怪物」之稱嘅佐山愛、超人氣少女系女優希志愛奈，仲有水元由奈同Mihiro！

呢班靚女會帶觀眾專門踩落夜場飲飲食食，夜場嘅意思唔係指夜總會，而係營業到深夜嘅食店，任何至抵食、至好食嘅食物，都難逃被呢班女優吞噬嘅命運，如果大家即將要去北海道，睇呢個節目就冇錯喇！

玩得癲喪

雖然呢個節目安排於星期日晚上十二點半播出，理論上可以露點演出，但係礙於拍攝時食店都係營業中，女優都好自重，即使好多人都希望有嘢o架。但係冇露點都唔代表唔好睇，因為班女優落去食店除咗試食，仲會玩埋該食店嘅娛樂設施，例如係桌球同飛鏢咁，過程中，大動作加上性感衣着，往往令佢哋出現唔少走光場面。

另外，話明係夜店，落到去又點少得飲番兩杯，幾杯酒落肚之後，女優成日都會出現失控情況，互相撕扯大家件衫，甚至係互相大鬥擒胸龍爪手添！真係玩得夠癲夠喪，仲好有鹹味！再者，由於呢個節目係由日本著名風俗雜誌贊助，所以女優到訪嘅店舖有部分屬於風俗場所，例如係女僕茶室或陪酒場，除咗女優之外，仲有唔少美女可供欣賞。聽完我嘅介紹後，大家係咪好想睇呢？