搭長途機其實都幾悶，尤其係得一支公，唔係瞓覺、睇電影、食吓飛機餐，就冇乜嘢好做。但如果有個波霸比堅尼女郎招呼乘客，咁全程就精彩得多喇！
呢個絕對唔係個人幻想，事關早前英國一間航空公司為咗慶祝最新型號嘅客機A319啟航，就邀請咗模特兒Laura Lacole客串做一日空姐，更以性感火辣比堅尼上陣，非常惹火。上機之後，活潑好動嘅Laura立即走入控制室搞搞震，之後佢為乘客斟茶遞水，雖然當日只係試飛，乘客只有小貓三四隻，不過，Laura一樣好認真咁去招呼，仲由機頭走到機尾處理事務，真係忙到身水身汗！如果其他航空公司都倣效咁做，幾貴嘅機票我都會買嚟坐呀！
Max