同事A跑鳳姐線，而且是專做打單泡那些姐姐：「其實市面上旺嗰啲來來去去都係集團式嗰班。打單泡嘅，大多數都係有番咁上下年紀，單賣服務？你會好得過指壓妹咩？呢班女其實都幾難做，除咗生意競爭，仲要擔心人身安全，又要怕畀人打劫、又要驚有啲衰客中途甩袋打真軍，仲有唔少打死狗講價，真係日日打開門都要望平安大吉。」
同行之間的惡性競爭，也令這班女人煩惱不已。「就兩、三日前，又有鳳樓姐姐開大片。」同事說，他剛好在樓上樓下做訪問，所以算是了解事情脈絡：「嗰層樓，一個角落兩、三檔鳳姐，最近搬咗個後生啲嘅嚟，生意側咗去一邊，就梗係會有衝突o架啦。」因為本身條件比不上人，其他姐姐惟有減價、將服務增值去應戰，但效果，依然不是太明顯。
「女人之間邊有道理講o架？搞吓搞吓就變咗積怨，中間有人覺得畀人搶生意，咪亂晒大龍囉！」同事A所謂的「亂」，就是鳳行中的規矩都被打破：「聽到有客人經過，咪開門隔住道閘搶客囉，又跳舞、又出口術，玩到咁，想唔打交都難啦！」