本文重點
置身於一間充滿時尚感嘅酒吧，再加上醉人夜景，單係場面已經夠煞食。而今次介紹嘅呢間酒吧，仲要空間感十足，無論三五知己摸吓酒杯底，抑或成班朋友開Party都一樣咁適合。
無柱式設計
眾所周知，登龍街大利行係本地其中一幢「酒吧大廈」，幾乎每一層都係酒吧或私人會所，各有不同特色，當中開設於頂層嘅Ibiza，用上紫、黑作主調，加上獨特嘅天花裝飾以及周邊嘅花紋設計，令環境更加有Feel。場中採用無柱式設計，令吧內空間感大增。據講呢個設計係店主特別要求，令場中預留更多空間，形成一個小型舞池，令舉行派對嘅朋友玩得更自在。
此外，可容納40人嘅獨立VIP房，備有大型薄屏電視、卡拉OK等娛樂設施，更設有獨立洗手間，無論舉行派對、唱K或睇波都一樣掂。另一個優點，在於擁有超正景觀，一邊品嘗美酒，一邊從窗外遠眺銅鑼灣嘅醉人夜色，確實不俗。
逢星期二至四特設女士之夜，任飲每位$50；男士則每位$250，星期五男士$250；女士$150，星期六男士$250；女士$200，任飲威士忌、紅白酒及tandard
Cocktails。