本文重點
唔知大家為咗乜嘢原因落吧嘅呢？睇波？溝女？還是齋劈酒？而我娟娟嘅答案就係聽歌。咪以為我講笑，事關依家好多大場都設有Live Band駐場演出，水準分分鐘勁過樂壇啲新進Band仔。今次介紹嘅呢間吧，亦有一隊水準高超嘅駐場Live Band，配合靚女歌手，真係令人聽出耳油o架！
精通中西流行曲
入到赫德道嘅「M1 Bar & Lounge」，娟娟一早就霸定個靚位等聽歌。幫襯開嘅朋友，都知道呢間酒吧嘅Live Band Show不嬲都好受歡迎，原因相當簡單，一班專業Band友功力深厚，而且演出經驗豐富，唱功更係超班，絕對唔會有悶場。
呢晚遇到駐場樂隊「Bizboys」，成員包括Jacky、Ivan、阿輝、熊仔及靚女Eman，不經不覺佢哋已經幫酒吧工作咗三年幾，唔少客人都係佢哋嘅Fans，每當樂隊出騷都會專程嚟捧場，以示支持。
據了解，呢隊Band無論中西音樂或新舊歌曲都識玩，相當犀利！另外，另一位索女Zita亦會不時到酒吧演出，唱英文歌超掂！有興趣嘅朋友，不妨落吧支持吓啦！
Bizboys演出時間
逢星期二、四
10:30pm-2:30am